BLOGASI

» O día que a fiestra se namorou do pingüino». Con este título e este eslogan estase a desenvolver, dende o País Vasco, unha comedia romántica inspirada no software libre e sobre o ideal de que o coñecemento e a cultura deberían ser de acceso libre e universal.  Para abrir boca, aquí tedes o trailer en español:

Máis información en  www.ubuntutribe.com ou na noticia publicada no periódico «El Mundo».

Ahí vai algún conselliño persoal se estades buscando choio:

• Tómao en serio, buscar traballo é unha actividade que leva o seu tempo e que require adicarlle tanta atención como se realmente estiveras traballando. É cansado e pode ser frustrante ás veces, pero non hai que deixarse abatir, senón ser constante e aproveitar cada oportunidade para seguir formándose.

• Fai o teu cv con detalle, inclúe unha foto. Teno actualizado. Redacta unha carta de presentación xeral, ou mellor, específica para cada traballo ou perfil que queiras amosar, etc.

• Non te deixes impresionar polos coñecementos ou capacidades que se piden nalgunhas ofertas. Habitualmente describen un candidato ideal que non existe. Se cumpres algúns dos requisitos envía o currículum sen falta, en moitos casos os outros pódense adquirir co tempo e dedicación. Incluso podes adquirir coñecementos básicos a través de Internet de moito do que pidan, e por suposto, poñelo no currículum como que o aprendiches tí mesm@. Dende que consultes a oferta de emprego ata que chegue a entrevista podes ter tempo de facer un cursiño intensivo pola túa conta.

• Tanto se traballas como se non, nunca deixes de seguir formándote. Ésta é unha actividade que continúa toda a vida e hai que ter a actitude axeitada. Require disciplina se o fas pola túa conta, pero tamén pódeste apuntar a cursiños se tes a oportunidade.

• A movilidade é unha gran ventaxa. Se estás dispost@ a desplazarte e incluso mudarte a unha cidade distinta tes un maior campo de acción para a búsqueda de emprego, e terás novas experiencias.

• Estudia as ofertas de emprego para coñecer as habilidades e coñecementos que se solicitan nelas e adica un tempo a formarte naquelas ás que máis che interese orientarte.

• Estudia as empresas. Infórmate sobre aquelas ás que envías o currículum ou aquelas nas que che gustaría traballar para saber cómo e con qué traballan. Moitas delas teñen na súa web un apartado de emprego para deixar alí a túa solicitude. Non estaría mal que foras facendo un listado cós datos das empresas, indicando aquelas ás que mandaches o currículum e cando o fixeches por se máis adiante, con máis experiencia, decides voltar a mandalo.

• Inscríbete nas webs de búsqueda de emprego: infojobs, tecnoempleo, etc. (polo menos en dúas)

• Consulta a prensa (páxinas laranxas dos domingos) e as bolsas de traballo que coñezas (servicio galego de colocación, inem, Leliadoura etc.

• Cando teñas unha entrevista vai tranquil@, con seguridade en tí mesm@ e sabendo do teu gran potencial. E todo o demáis.

• E de novo, tómao en serio, buscar traballo é un traballo duro, e tamén ten a súa técnica, se queres mellorar a túa atoparás moreas de información en Internet: cómo facer un currículum, cómo redactar a carta de presentación, cómo acudir a unha entrevista, etc.